Morning
Mooorning
Eg høyrer på “The Reminder” av Feist, har funne fram og skrudd på ovnen etter ein lang sommar, drikk grøn frukostte og skriv oppgåve medan det regnar ute. Fint!
Hanne (19), Sandnes & Bergen
- Engasjert, vimsete og liberal sampol-studine
Herifrå.
Eg elskar hausten!
Og er det noko eg elskar meir enn hausten, så er det hausten i Bergen.
Lufta er så mykje friskare og fargane er så mykje sterkare. Eg liker alt med det, frå seinsommaren rundt studiestart til ruskevêr og mørke på bursdagen min (eg var jo dømt til å bli eit haustmenneske - eg blei jo fødd den siste haustdagen på heile åttitalet!). Lange timar med pensumbøker (eg går på veggane av keisemd i feriane), timar på lesesalen, turar i haustskogs-Bergen, varm drikke og gode bøker, kvardag og haustkler. Fine ting.
Og no er det
Eitt år sia eg flytta hit og forelska meg i staden.
To år sia elevrådet, russestyret og fotokomiteen opptok alt eg hadde av tid.
Tri år sia eg hadde kyssesjuka og følte meg innesperra i min eigen kropp.
Fire år sia eg byrja på vgs og alt blei så mykje betre.
Fem år sia eg var blei ein sint radiss av prinsipp.
Eg lurer på kva eg skriv neste år.
I dag skal eg baka Oreo-kake til fine Alette som har bursdag!
Trykk på bilete for kjelde.
Enten går det bra, eller så går det over
… har vore mottoet mitt i fleire år. Det gjekk ikkje så bra med mitt kjære Venstre denne gongen, men det gjekk iallfall over. To stortingsrepresentantar er litt stusseleg i forhold til kva me hadde sist stortingsperiode, men jammen ser det ut til at det er mange som vil vera med på å byggja opp partiet til neste val:
Dei to siste dagane har Venstre fått over 500 nye medlemmer!
Viss ikkje det er inspirerande og oppmuntrande, så veit eg ikkje kva som skal til!
Les kva Aftenposten skriv om saka.
No er det lenge sia sist eg var her inne. Sist eg skreiv hadde eg reisefeber og ville ut i verda, og no er jammen billettane i boks. Budapest, baby! Eg tar meg litt haustferie etter ein intens valkamp og nyter hausten midt i Europa!
Ut i verda
Eg lengtar etter å reisa!
Bevares, eg har reist meir enn nok med Kystbussen mellom Bergen og Stavanger det siste året (om nokon er kandidat for å få eigen plass på bussen, så er det nok eg). Nokre turar rundt omkring i Norge har det jo også blitt (for eksempel den helga då eg reiste Bergen-Trondheim tur-retur med tog - 14 timar per veg!). Flyskrekken og ein ganske tom sparekonto har ikkje akkurat oppmuntra meg til å reisa av gårde, men no har eg fått tidenes reisefeber og er klar for å få gjort noko med begge delar!
Det fine biletet er frå Praha og er lånt herifrå.
Eg likar! Den med pasjonsfrukt er fantastisk.
Kjekt for meg som ikkje toler smågodt ( :( )
“ Fossilet Ida
Jeg takker min Gud og skaper for at jeg ikke stammer fra denne apen! Evolusjonsdebatten i Stavanger Aftenblad har rasa sia juletider. Her er eit litt spesielt innlegg frå 30. juni.
Jeg takker min Gud og skaper for at jeg ikke stammer fra denne apen! Evolusjonsdebatten i Stavanger Aftenblad har rasa sia juletider. Her er eit litt spesielt innlegg frå 30. juni.
“ Bla.annet var det en mann som ble truet av samboeren som løp etter ham med et fotoapparet. Politiet kom til stedet og fikk sendt partene hvert til sitt sted.
NRK Rogaland oppsummerer kvelden til politiet på Haugalandet og Sunnhordland. Trua med eit fotoapparat!?
Lese-Hanne er fascinert av “Forvandlingen” av Franz Kafka, sommaren 2006. Fine Karen Sofagakk tok biletet.
Og det viser kva eg gjer på no for tida! Eg er aleina i leilegheita i Bergen og har ikkje så mykje anna å gjera på etter jobb enn å lesa gjennom alle Harry Potter-bøkene for n-te gong :) Ein kunne hatt det verre enn det.
Eg lånte vekk bestikket mitt til far min sin 50-årsdag, men eg gløymde så klart å ta det med meg tilbake til Bergen igjen. Så no er eg stuck med to teskeier og åtte spiseskeier fram til neste fredag. Eg lurer på kva eg kan eta med dette som ikkje går i kategorien supper og is?
Kanskje ikkje så rart at eg har hatt kallenamnet “Vimså”?
Er det rart eg kan liggja på ryggen i senga og berre sjå opp i taket?
På tur i Sandnes ein usannsynleg varm og fin sommardag! Sandnes er altså ikkje berre Kvadrat og Ruten, tvert imot. Noko av det eg liker best med den fine heimstaden min er at det er så mykje variasjon!
Eg har jobba på renseri sia 2006, og har etter kvart lært meg ganske mykje om kler, rens, vask, flekkfjerning osv. Ikkje så spennande, seier du? Klart det er! Me bruker mykje tid (og pengar) på å prøva, kjøpa og vaska kler - og så klart på å ha kleskriser. Då kjem det godt med å ha litt kunnskap om det også, så eg tenkte eg kunne komma med nokre tips.
Dagens tips er noko så grunnleggjande og enkelt som å hugsa å sjekka vaskeanvisninga i eit plagg før du kjøper det. Eit par ting å vera obs på:
- Sjekk om det i det heile tatt er vaskeanvisning i plagget! Mange kler blir utruleg nok solgt utan, og då må ein gjetta seg fram til korleis det skal behandlast…
- Sjekk om plagget kan vaskast. Om det er merka med ein vaskebalje med kryss over, ser du etter om det kan rensast. Symbolet for rens er ein sirkel med ein P eller F inni. Om du ikkje vil bruka rundt 250 kr på å rensa finkjolen din kvar gong den er skitten, så er det kanskje ikkje eit lurt kjøp? Og viss plagget verken kan vaskast eller rensast er det _ikkje_ eit smart kjøp!
- Sjekk kva plagget er laga av. For eksempel kan plagg i viskosa krympa _mykje_, og det kan vera vanskeleg å få av flekkar frå lin og silke utan risiko å øydeleggja fargen.
- Om du skal kjøpa ei skinnjakke eller andre skinnplagg bør du vera obs på at dei fleste av desse kun kan rensast. Det kan vera svært vanskeleg å få av flekkar og skitt frå skinn, og så er det klart at det kostar litt.
(Men dessverre er det mange plagg som blir solgt feilmerka. )
Desse er mine beste venner!
Eigentleg er det rart at eg har gått utan briller inntil no, for eg kan ikkje lesa gateskilt, trafikkskilt eller sjå kva for ein buss eg går på om eg ikkje har dei på. Eigentleg er det ganske godt gjort (og litt skummelt?) at eg klarte å få lappen utan briller.
Men eit par ting blir eg ikkje heilt vant til:
- Kva er det meininga at eg skal gjera når det regnar?
- Det doggar! Kva gjer eg no?
- Å hugsa å pussa/vaska dei.
- Skal eg sjå gjennom brilleglasa når eg går ned trapper?
- Korleis skal eg finna fram i trafikken når eg må bruka solbriller?
